Luke 20

1Ottu ifa far nobo, etiyana if Yesu huwo de Iklesia ette hidofe hititoyo huwo saiye ŋejuk to Haji Imojit nahitok, afanu ifa leitaha illo Fadirihien ojo igiorok ho huwo illo hitaha. 2Ette hiro to honyie hijo, “Ilimak iyohoi hijo tanari golon ne egiamari iye hirro inne? Harra ŋai lia esio to hoi igoliti inne?”

3Ette inyia hitiraŋ ette hijo to hosie, “Efi iso hido naŋ itai hifita. Heilimak hati naŋ 4Hibatiso no Yoane. Hara ifa te ido kuya tere tihoni?”

5 6Erotta isia to kwaite te innohosie hijo, “Kuya eijo iyohoi, ‘Te ido,’ iya aremik iso inyeja hijo, ‘Owuon hati jiai obe itai eruk ta hanaŋ?‘Hati leimojo iyohoi, ‘Tere tihoni,‘ette huwo daŋ hidoŋ te iyohoi, ojo odule isia hijo ara ifa Yoane Hetalahani.”

7Nia etiraŋ isia hijo inyia la yien hijo hottu mahu taji. 8Ette Yesu hijo do hosie, “Efi elimak hati naŋ itai hijo golon naŋai nia legiamari naŋ hirro hunna.”

9Ette inyeja ŋailimak do huwo hitiriami inna hijo, “Eidulak ifa lobo tihoni mana no honyie, ette ŋeitijurak da haitafusok he fino ette inyeja ŋaino adoŋe naibo no loloma ette manya de many fur. 10Ifa lotubai holoŋi inne fino aŋaifahak inyeja hegiamani da haitafusok he fino, hijo ette ŋesiere inyeja inno honyie. Hati ebak heitafusoni he fino inyeja, ette ŋafuhak inyeja ade ta has jia.

11Nia einyak inyeja ŋaifahak lobo hegiamani lie ette isieja lie daŋ ette higiama do honyie hirro inne leyani riri ette hidofe ŋaifuhak inyeja ad eta has jia. 12Ette hidofe hinyiak ŋaifahu hititahunihi ette ajurak luhe ŋairiafu inyeja ette ŋairuoŋu inyeja abali.

13Nia eijo monyie mana he fino, ette monyie mana hijo hegiem iso mahu naŋ nyio Eijo efahak iso naŋ lenyi hanaŋ lalamuno naŋ. Kuya eriamik iso isieja baŋi isieja.‘ 14Ifa hati lo wolo hefufusok he fino inyeja, ette isieja hirota to kwaite te innohosie hijo, “Harrutani ileŋ” haititohoi inyeja, ara hoinyie irruti innohoi.’

15Ette isieja ŋairwoŋu inyeja ade to hotuai ha mana ne fino, ette tohoro inyeja. Nyo hati iso leiriamik monyie mana higiem do hosie? 16Ottu iso inyeja ŋatohoi hajurak ha mana ne fino luhe, ette ŋaisiere mana ne fino do huwo hilak. “Ifa la ŋaitiru isieja ejo isieja, “Hetenya lara ani!”

17Hati eriŋa Yesu do hosie ette hijo, “Nyo leituhutek hihieni innaŋ” moruo nafa lebo haduhok, aŋawoŋ hirra moruo nalara mirik na haji’? 18Lobo tihoni lolohuyik de hide ho moruo no obwara iso yisyis. Hati do honyie lie lohuyihini inyie, “Obwara iso daŋ.”

19Nia eŋegigillo haigiorok he letaha illo Fadirihien hijo etirok has inno hosie to honyie da far nyie, nyo eyieni isieja hijo ero Yesu hitiriamik ne ahiyali hosie. Hati abaŋ ifa isieja huwo ta far te nyie. 20Illafa leriria inyeja ana la nyar, efahak helimak ade ille letimayaha iye hanyarak, hijo heriamik mahati isieja rumaa lobe hipali de hiroti, nyo ŋairiamik honyie ŋaisiere inyeja ade ha haikumoni ojo do ŋolon na mamur.

21Ette isieja hifi inyeja hijo, “Haitiyanani, ŋai yien iyohoi illo lijoo iye, he hitiyiena ne lebis hati inyia lara tiihoni lobo lelimak iye, ittiyiana iye ha habisak inno lo bie no Hollum. 22Heremik nyiaru leidumak iyohoi musuru de Kesari kuya obeŋ?“

23Atti eyien Yesu lefioroho innohosie, ette hijo do hosie. 24Ituhutek da hanaŋ arobihati nagai rijiore innaŋ lolowon de hide honyie! He higieritta huna tireŋ Ejo isieja, “Ne kisari.”

25Ejo inyeja do hosie, “Isiere hati de Kesari hiro inna lara inno Kesari, ojo to Hollum hirro inna lara inno Hollum.” 26Obe ifa haigiorok ojo Fadirihien ile etoho leriamik himor hiro innafa lero inyeja do hosie hohuwo. Eliliha isieja hitiraŋi no honyie ette isieja adwehini.

27Ifa lojo hilak illo Sadusin afanu do honyie, illafa lojo hijo obe ŋabuhu, 28Ette hifi inyeja, hijo, “Heitiyanani, egiorok Musa do hoi hijo leye harasi hoi, owon holoŋoruo nolobe durre, anyar lojuŋori harasi honyie noŋoruo, eyiani honyie hito da harasi honyie.

29Nia owuon harasira hatarik ette leŋieu lohosie ŋaiyemu hitonogoruo ette ye obe hito, 30Ojo hidofe hirasi hitarihi. 31Aŋadumuk harasi hitahunihi inyeja amanyari ojo hidofe hitahatarihi ette ye obe durre. 32Nia da halu, ette hidofe hitonoŋoruo nyie ye. 33Hati da ŋaibuhu nohosie ottu iso inyeja hira noŋoruo ŋaiŋ? Nyo eyeitta ifa huwo ille hattarik inyeja anoŋoruo hosie.”

34Ette Yesu hijo do hosie, “Ayama lenyirok hafau inna odule ŋaisiere alayamari. 35Hati luhe oŋotto, hira innohosie esiru ta ŋaifotu tan a ŋaibuhu te ye ojo ta ŋaijiŋak alamanyari ho fur, obe layama obe hidofe lesiere de hiyama. 36Kuya obe hidofe isieja lenyiak yei, nyo ecialari ifa isieja ha anjillohien ette hira lenyirok ho Hollum ojo lenyirok ha ŋaibuhu.

37Hati etiyana hijo ebuhu hayok, ŋaitihutek Musa te hiram tanamai ne tim, nafa lelilloŋori inyeja Habu Hollum lo Abramo le Isako le Yakobo. 38Eyane enyiai lalara Hollum la hayok, hati la hawarak, nyo amanya hiro daŋ do hosie.“

39Etiraŋ hilak illa hagiorok, “Haitigienani, hitiraŋ iye ano lebis.“ 40Nia inyia hido isieja lawak hifia inyeja.

41Ojo Yesu do hosie, “Jai lojo isieja ara Kristo lenyi Davide? 42Nyo ojo Davide to kwan to nohonyie to Buk tene Hidolita, Ejo Habu da Habu hanaŋ, ‘Towonyie ta hana inyet hanaŋ, 43Many etifiak naŋ miorok illohatai hettera harana inna hatai.‘ 44De hati, eliloŋo Davide Kristo hijo ‘Habu’, jai hati lara inyeja lenyi Davide?”

45Do hosiere ho huwo ojo inyeja de efahat illo honyie. 46“Ihumaa riŋa haigioro, illlo lawak loton to boŋojin isagaha, omuno hifonyita inno masiok inno suk, ojo habusi etole de Sinagog ojo masiok inno Habusi da Karamat. Etihara hidofe isieja haŋitek, inno ŋoruo ihidahi, ette hitimayiaha mojo aisaga. Efwotu iso ille hikumuta inne hitoha.“

47